السلام عليكم ورحمة الله وبركاته
متجوزه ومعايا ولدين جوزي ليه قرايب في الأرياف بنت عمته مطلقه ومعاها بنت٢٢ سنه (أخر سنه ليها في الكليه) يعني أصغر مني ب ٣ سنين المهم عايزه تيجي تشتغل اليومين دول في الشركه اللي شغال فيها جوزي وتقعد عندنا !! عشان تجيب مصاريفها عشان ابوها مش بيصرف وهو شايف إنه ايه يعني هتقعد معانا وتروح وتيجي معاه الشغل يعني هو سواد الليل بس اللي هتقعده وانا مش موافقة أبدا هو شايفها عيله صغيره رغم أنه عنده ٢٧ سنه يعني الفرق بينهم مش كبير وحماتي شايفه إني غلطانه والمفروض بيتي يبقى مفتوح ل اي حد واني مش بنت اصول وعشان ظروفها وتجيب مصاريفها لما فهمت ان الموضوع غيره فضلت تقولي انتي مش واثقه في جوزك !! قولتلها هو مش نبي يعني عشان تبقى واحده عايشه معاه و تروح وتيجي معاه ويبقى بالنسباله عادي وطبعا أنا اللي هخدم واكل واشرب واغسل وانضف لأن شغلهم اصلا بيكون ١٢ ساعه ده غير اني مش هبقى براحتي وهو كمان متعود يقعد بملابس داخلية في الصيف وكمان هو علطول بيزعق على اي حاجه في البيت ودي اسرار بيوت مينفعش هي تشوفها ده غير اني بروح ابات عند اهلي يعني كده مش هعرف اتحرك من البيت ده غير إنه كل ما يكلم بنت عمه دي يسألها عن بنتها عامله ايه وكده معرفش بيسأل عليها ليه
اعمل ايه يا جماعه هي المفروض بتحضر ورق الانترڤيو عشان تيجي وهما محسسني اني مجنونه ومبحبش اساعد حد
ليست هناك تعليقات:
إرسال تعليق