واحده بتقول
انا عندي 37 سنه وجوزي عنده 40 سنه
المشكله ان السن ابتدا يبان عليا حتي مجهودي بدأ يقل ومعايا 3 بنات جوزي بقي السن مش باين عليه خالص حتي معندوش ولا شعرايه بيضاء ونشيط وشكله كأن عنده 25 سنه وكل اللي يشوفه ميصدقش انه جوزي بردو حمايا ابو جوزي عنده 65 سنه وشكله كأن 50 سنه ومتجوز 2 والتالته لسه مطلقها قريب وبردو لسه بصحته مش باين عليه اي سن حتي جد جوزي ابو حمايا عنده 90 سنه وبيقول لولاده عايز اتجوز علي أمكم وساكن في الدور السابع بيطلع وينزل 5 مرات علشان يصلي من غير اسانسير ولا حاجه وبردو سنه مش باين عليه لدرجة انه ساعات بيتخانق في منطقتنا مع شباب ويقف بالشومه في نص الشارع كإنه شاب والمشكله جوزي وبباه وجده وكل عيلتهم كده حتي الستات مش باين عليهم سنهم خالص المهم انا جمب جوزي حاسه اني بقيت كبيرة وخايفه جوزي يشوفني كده ويتجوز عليا هو بيحبني ومفيش في حياته غير شغله وبيته مش بتاع ستات بس خايفه يقلد ابوه وجده خصوصا انه شكله شاب خالص فالمفروض اعمل اي علشان اتأكد انه مش هيتجوز عليا وأفضل علطول كويسه في عينه والله حاسه اني خدت مقلب في جوزي هو وكل عيلته اللي محدش باين عليه السن خالص دول
