خطوات التقديم فى هيئة قضايا الدولة خطوة خطوة .

 اضغط على الصورة لتسجيل بياناتك على موقع الهيئة .

هيئة قضايا الدولة:

أولاً:- السحب والتقديم

أ‌- ميعادالسحب(هناك اختلاف في العنوان)
يوم ...حسب الوارد فى الاعلان... ان شاء الله هتروحوا تسحبو الملفوسعر الملف 50 جنيه وميعاد السحب هيبقى من يوم ...حسب الوارد فى الاعلان........إلى يوم ......حسب الاعلان... ودا نفس ميعاد التقديم أى انك خلال هذه المدة تسحب الملف وتقدمه وطبعاً الملف بيتسحب من هيئة قضايا الدولة بمجمع التحرير و اللي عنوانها (مجمع التحرير الدور 12)طبعاً غنى عن التعريف

ب- محتويات الملف (هناك اختلاف عن الإدارية ومجلس الدولة)

حضرتك بعدماتسحب الملف ستجده مكون من الاتى :-
1- طلب تعيين باسم السيد المستشار رئيس هيئة قضايا الدولة
2- وثيقة تعارف لجميع العائلة ودى طبعاً بتكون فيها اماكن للأقارب وأزواجهم ولكن ليس بالتفصيل الوارد فى وثائق النيابة الادارية فيراعى الدقة وعدم الشطب ( ومتنساش صور صورة لنفسك عشان ان شاء الله لما تجيلك تحريات تبقى تراجع بياناتك منها لأنك هتتسأل فيها هناك أسئلة خفيفة كما سيأتى لاحقاً )
3- جواب تحريات للمباحث جواب اسمه جواب تحريات هتملا بياناته وبس .
وعلى فكرة مسألة دورات الكمبيوتر لها خانات في الوثيقة بتاعت الهيئة يعنى لها دور أكيد (مجرد أفضلية)
· وبعدين اياً كانت المحتويات انت خلاص بقى عندك خبرة من الهيئات السابقة يعنى احنا مبيهمناش أياً كانت الملفات احنا هنقدر نتعامل معاها .
ج- التقديم
هتروح تقدم الملف بتاعك على أقصى تقدير يوم .....أخر يومفى الاعلان...... الموظف اللى هيستلم منك الملف هيراجعه وهيقولك تيجى يوم كذا تعرف الميعاد بتاع المقابلة هيكون امتى . (التقديم طبعاً فى نفس مكان السحب)

ثانياً : المقابلةالشخصية

اعتقد أنت خلاص بقيت راجل بتاع المقابلات الصعبة لانك هتكون قابلت في المجلس والعامة والادارية يعنى ميهمكش من حتة مقابلة فانا بقى مش محتاج اكرر الكلام اللى قلناه قبل كده انا واثق ان انت بقيت قدها يابطل ما دمت واثق من نفسك يبقى خلاص هتعدى كل الصعاب يا راجل دا احنا طلعنا القمر مش هنعرف نعمل مقابلة خلينا فى الاهم.
وبعد كده الانتظار لحين نزول تحريات .

ثالثاً :- نزول التحريات(بدأنا فى الجد)
راجع المشاركة السابقة (الخاصة بالنيابة الادارية)

طبعاً تحريات الهيئة زى الإدارية متقلقش لكن فيه هنا حاجة عايزيين نوضحها ايه هيا ان اللى له تحريات سابقة فى اى هيئة مبينزلوش تحريات تانى بمعنى لو نجح فى المقابلة فالهيئة بتاخد التحريات السابقة بتاعته اللى كانت فى مكتب الامن فى الوزارة بمعنى أصح ان الهيئة بتبعت ملفك للمكتب في الوزارة وبتطلب منهم عمل التحريات اللازمة لك فالمكتب بيقوم بإرسال التحريات بتاعتك اللى عندهم للهيئة ولو ملكش عندهم تحريات بينزلولك تحريات من بدايتها اما مثلاً لو كان ليك تحريات إدارية أو هيئة قضايا وأنت مثلاً مقدم في العامة أو المجلس فمكتب الامن فى الوزارة بيعملك تحريات أمن قومى ويرفقها مع تحرياتك السابقة اللى عندهم (أمن الدولة والجنائي) ويبعتها لمن طلبها .
أما لو كانت تحرياتك عدى عليها فترة بعيدة فبينزلولك تحريات جديدة خالص ودا المشهور فى الحالة اللى معانا دى زى محصل فى دفعتى 2007 كان فيه ناس نزلها تحريات ادارية وعملوها وخلصوها وبعدين نزلهم تحريات عامة منفصلة لوحدها ومخدوهاش من مكتب الامن ولكن دا راجع لأن العامة بتعمل تحرياتها دون الرجوع لمكتب الامن فى الوزارة واعتقد ان المجلس نفس الحكاية ولكن الادارية وهيئة القضايا حبايب مفيش مشاكل .
وطبعاً هيئة القضايا مفيهاش تحريات أمن قومى (مخابرات).

رابعاً:- مرحلة ما بعد التحريات(الانتظارثم الانتظار ثم الانتظار )
راجع المشاركة السابقة (الخاصة بالنيابة الادارية)
سادساً :- الكشف الطبى (الف الف مبروك ياباشا)

الكشف الطبى ان أحد المستشاريين بيتصل بيك وبيقولك الف مبروك حضرتك قبلت فى مجلس الدولة وهتيجى يوم كذا الساعة كذا عشان تكشف طبى وهيقولك على المكان والكشف بيكون عينة بول فقط للكشف عن المخدرات واللى بيكون فى مصلحة الطب الشرعىبالوزارة(وبالتوفيق ان شاء الله)

سابعاً :-نزول أسماء المعينين في الجرائد (الرسمية (والله الف مبروك ياباشا وربنا يقدرك ويعينك على أداء مهامك الوظيفية على أكمل وجه )